Psa 82 | CebAPD | STEP | Gipangulohan sa Dios ang panagtigom sa mga pangulo; ug gihukman niya sila.

Psalms 82

Gibadlong sa Dios ang mga Pangulo

1 Gipangulohan sa Dios ang panagtigom sa mga pangulo; ^{▼▼mga pangulo: Mahimong mga pangulo nga makagagahom, o mga dios sa mga nasod, o langitnong mga binuhat.}
ug gihukman niya sila.
2 Miingon siya, “Hangtod kanus-a kamo mohukom nga dili matarong?
Hangtod kanus-a kamo modapig sa mga daotan?
3 Hatagi ninyo ug hustisya ang mga timawa ug mga ilo.
Labani ninyo ang katungod sa mga kabos ug mga dinaog-daog.
4 Luwasa ang mga kabos ug timawa gikan sa gahom sa mga tawong daotan.
5 Wala silay nahibaloan.
Dili sila makasabot.
Daw nagakinabuhi sila sa kangitngit, ug walay kalig-onan ang ilang kinabuhi. ^{▼▼walay kalig-onan ang ilang kinabuhi: sa literal, nagatay-og ang tanang pundasyon sa kalibotan.}
6 Nakaingon na ako kaninyo, ‘Mga dios kamo;
tanan kamo mga anak sa Labing Halangdong Dios.
7 Apan mamatay gihapon kamo isip nga tawo.
Matapos ang inyong kinabuhi sama sa tanang mga pangulo.’”

8 Sige na, O Dios, hukmi ang tanang mga katawhan sa kalibotan, kay imo sila.